COMUNICADO OFICIAL 30/12/2020

Estimados socios e simpatizantes:

Como ben sabedes, fai unhas semanas a Real Federación Galega de Fútbol comunicou a proposta para o fútbol galego de cara a esta tempada. A partir do vindeiro mes de Xaneiro voltarán as competicións a Galicia, seguindo o disposto nun plan de desescalada aprobado pola Xunta de Galicia, que inclúe protocolos especiais e medidas de prevención fronte á COVID-19.

Tras unhas semanas moi longas e difíciles, a Xunta Directiva do Galicia de Mugardos acordou o seguinte:

• O equipo de Preferente Galicia, sairá a competir. Tras consensualo con corpo técnico e xogadores, todos estamos dacordo, pese a que as circunstancias actuais non son mellores que as que estabamos a vivir no mes de Marzo, en que a situación menos gravosa para o futuro devir do Clube é sair a competir.

• O resto de categorías da S.D.C. Galicia de Mugardos, desde o equipo militante en Segunda Autonómica até os Prebenxamíns, NON SAIRÁN A COMPETIR.

Adoptamos esta decisión con toda a dor do noso corazón, pero dende a Xunta Directiva, tras examinar minuciosamente o Protocolo da Xunta de Galicia, cremos que podemos cumprir co mesmo cun único equipo e non o poderiamos garantir se xuntamos máis categorías.

É hora de ter paciencia e de ser o máis prudentes posible. É o mellor para todos.

Un cordial saúdo,

A Directiva da S.D.C. Galicia de Mugardos.

Mugardos, 30 de Decembro de 2020